Haweenay Umushay oo loo xukumay 100 kun oo dollar, Jubbaland o markale eedayn u jeedisay Federalka+warar kale oo xiiso badan
Haweenay foolanaysa ay dalka Kenya iska soo xaadirisay goob caafimaad oo haweenku ku umulaan, kadib markii ay dareentay xanuunka foosha. Haweenaydan ayaa la sheegay in ay googta caafimaadka timid iyadoo aad u culus, balse lagu kalifay in ay sugto in laga umuliyo muda 11 saacadood ah, taas oo sababtay in ay waydo ilmeheedii kadibna si aan ogolaansho lahayn looga saaray makaankeedii ama ilmo galeenkii. Haweenaydan ayay maxkamada sare ee dalka Kenya u xukuntay lacag dhan7.7 Million oo lacagta Kenya ah, taas oo u dhiganta in ka badan boqol kun oo doolarka marykanka ah. Qoraal ka soo baxay maxkamada sare ee Kenya ayaa lagu sheegay in shaqaalaha isbataalku dayeceen dhibanaha maadaamo oo ay safka ku daahiyeen saacado badan. Haweenaydan oo mageceeda la qariyay ayaa magdhow u heli doonta lacag gaadhaysa 7.5 millions oo lacagta dalka Kenya ah.
Jubbaland oo markale eedayn culus u jeedisay dowlada Federalka Somalia.
Warsaxaafadeed ka soo baxay dowlad goboleedka Jubbaland ayaa lagu sheegay in dowlada Federalka Somalia ay colaad aan loo baahnayn ka hurinayso gobolka Gedo gaar ahaan Magaalada Beledxaawo oo dhowaan dagaalo khadhaadh oo khasaare ba’an gaystay uu ku dhex maray ciidamada dowlada Federalka Somalia sida tooska ah uga amar qaata ee uu hogaaminayo Cabdirashiid Janan iyo kuwa dowlad goboleedka Jubbaland.
Dagaalkan ayaa waxaa ku geeriyooday saraakiil ciidan oo labada dhan ah, iyadoo khasaaraha dhimashadu uu aad u sareeyay isla markaasna colaadaasi ay sidoo kale sababtay khasaare baahsan oo soo gaadhay dadka rayadka ah ee ku nool gobolka Gedo. Dowlad goboleedka Jubbaland ayaa sidoo kale dowlada federalka ah ku eedeeyay in ay wadaan qorshe ay ku wiiqayaan Jubbaland, iyadoo ay soo baxayaan in dowlada Federalku ay dabada ka riixayso qorshe lagu dhisayo jubbaland kale oo laga hirgaliyo gobolka Gedo, taas oo noqon karta dhibaato aysan dowlada federalka lafteedu heli doonin xalkeeda.
Ma aha markii u horaysay ee dowlada Federalka ahi ay ciidamo toos uga amar qaata u soo dirto deegaano ka tirsan dowlad goboleedka Jubbaland, iyadoo sidoo kale hada ka hor ciidamo badan u dirtay deegaanka Raas kaambooni oo ka tirsan maamulka Jubbaland, halkaas oo sidoo kale ay ka dheceen dagaalo khadhaadh oo khasaare baaxad leh gaystay isla markaasna dowlada Jubbaland u aragto in ay ahaayeen colaado laga maarmi karay. Dagaalada ka sakow, maamulka Jubbaland ayaa tirsanaya caddaadis dhanka socdaalka iyo dhaqaalaha ah oo ay saartay dowlada federalka ahi marar kala duwan, iyadoo u aragta in arrimahaasi yihiin kuwo lagu dhibaataynayo shacabka Jubbaland.
Hogaamiyeyaasha beesha Xawaadle oo soo gaadhay magaalada beledwayne+Sababta
Waxaa maanta magaalada Beledwayne ee xarunta gobolka Hiiraan soo gaadhay wafti balaadhan oo uu hogaaminayo ugaaska guud ee beesha xawaadle ugaas Yuusuf Ugaas Xasan Ugaas Khaliif oo dalka dibadiisa safar ugu maqnaa mudooyinkii u danbeeyay. Ugaaska oo si wayn loogu soo dhoweeyay magaalada Beledwayne oo waraahinta la hadlay ayaa sheegay in beeshu ay shir isugu imaani doonto, shirkaas oo bilaaban doona maalinta bari ah.
Beesha xawaadle ayaa lagu xasuustaa sidii geesinimada lahayd ee ay isaga kiciyeen kooxihii alshabaab ee deegaankooda ku sugnaa, inkastoo ay wali garab uga baahanyihiin dowlada federalka Somalia iyo umada Soomaaliyeed guud ahaanba. Dhanka kale, beesha xawaadle ayaa u baahan ciidamo awood leh oo ka caawiya la dagaalanka kooxdan guracan, si aysan reerkani ugu kaligaysanin dagaalka culayska colaaduna uuna kaligood ugu dhicin ee garab looga siiyo.
Senatarka laga soo doorto ismaamulka Mandera oo cabasho u diray Dowlada Federalka Somalia iyo jubbaland.
Senatarka laga soo doorto ismaamulka Mandera Cali Roba oo barta uu ku leeyahay baraha bulshada qoraal dheer soo dhigay ayaa cabasho u diray dowlada Federalka Somalia iyo maamulka Jubbaland isagoo sheegay in colaadaha ku soo noqnoqday deegaanada Beledxaawo ay dhibaato badan ku hayso shacabka reer mandera, iyadoo ay gantaalo habow ahi ku soo dhacaan gudaha magaalada Mandera iyagoo gubaha guryaha shacabka madera dhibaato joogto ahna u gaysta.
Dhanka kale, senatarka ayaa sheegay in dowlada Kenya waajib dastuuri ahi ka saaranyahay ilaalinta amniga shacabka reer Mandera oo si joogto ah ay u saameeyaan colaadahan soo noq noqday ee ka jira Beledxaawo. Senatorka ayaa yidhi, dowlada Kenya waxaa xaq loogu leeyahay in ay madaxda somalia iyo kuwa jubbaland kala hadasho colaadahan soo noq noqday. Dagaalada ka dhaca Beledxaawo ayaa marar badan la isla soo galaa gudaha Kenya gaar ahaan deegaanka Mandera.
ku xidhnow jigjiganews.com
nagala soo xidhiidh: info@jigjiganews.com
