Waxaa xarunta maamulka Cusub ee dowlad goboleedka ugu da’ada yar ee Soomaaliyeed ka socota Doorashada gudoonka gudoonka goleyaasha X khaatumo iyo maakhir ama woqooyi Bari Somalia.
Cod bixinta iyo tirinta codadka ayaa si toos ah uga socota warbaahinta kala duwan, iyadoo isha si wayn loogu hayo cidda ku soo bixi doona Gudoonka goleyaasha Woqooyi Bari Somalia.
Yaa ku guulaystay gudoonka golaha woqooyi bari Somalia?
Gudoonka golaha woqooyi Bari Somalia waxaa ku guulaystay Dr Aden Abdullahi Aw Hassan ayaa noqday Gudoomiyaha golaha wakiilada baarlamaanka Waqooyi Barri, isagoo ahaa musharaxii ay DFS u wadatay hoggaaminta baarlamaanka, maalmo kahorna wasiirka arrimaha gudaha XFS uu soo jeediyey in kursiga loo xiro.
Dr Aden ayaa helay cod ka badan 50 cod, wuxuuna galay tartan adag oo gudoomiyaha, waxaana xalay la kala qaatay lacag xoogan oo ay labada dhinacba baxsheen, laakiin Dr Aadan ayaa guuleystay oo taageerada dhinaca Hoggaamiyaha maamulka Cabdulqaadir Firdhiye.
Doorashada gudoonka kadib, ayaa la filayaa in ay reer woqooyi Bari Somalia dooran doonaan madaxwayne cusub, iyadoo ay jiraan dhowr musharax oo si wayn ugu loolamaya helitaanka codadka ugu badan ee goleyaasha iyo hanashada xilka madaxwyanenimo ee maamulka cusub.
Maxay yihiin caqabadaha horyaala madaxwaynaha cusub ee woqooyi bari Somalia?
Madaxwaynaha cusub ee ay yeelan doonto woqooyi abari Somalia ayaa la filayaa in uu wax ka qaban doono arrimaha dhaqaalaha, dhismaha xarumaha dowlada, dhamaystirka dasfuur uu maamulkaasi yeesho, dajibta garsoor hufan oo bulshada u adeega, xalinta khilaafyada kaga imaan kara dhanka Puntlans iyo waliba soo afjarida colaada Somaliland kala dhexaysa shacabka deegaankan.
Intaas oo dhan waxaa u dheer joogtaynta hagaajinta xidhiidhka maamulkan iyo dowlada federalka Somalia, iyadoo la ogyahay in xukuumada Federalka Somalia ay dadaal badan ku bixinayso sidii ay maamulkan dhidibada ugu aasi lahayd, isla markaasna uga dhigi labayd mid taaba gala oo hano qaado. Iskuwadka iyo ilaalinta wadajirka shacabka reer woqooyi ayaa iyaduna noqon doonta arrimaha mudnaanta badan uga baahan doonta madaxwaynaha cusub ee la dooran doono.
Hoos ka dhagayso hadal jeedin gudoonka cusub
Jigjiganews.com
Info@jigjiganews.com
