Madaxwayne ku xigeenka dowlad goboleedka soomalaiyeed ee PuntlandMudane Ilyas Osman Lugatoor ayaa caawa oo ay socdaan dabaal dagyada ku saabsan munaasabada aas aaskii dowlada goboleedka Puntland jeediyay khudbad uu kaga hadlay arrimo la xidhiidha dowlad goboleedka Puntland.
Si guud, Dowlad goboleedka Puntland ayaa laga sugayaa in ay mar uun u hambalyayso maamulka cusub ee woqooyi Bari Somalia oo dhowaan la dhisay, inkastoo ay jireen hadalo tabasho ka muuqato oo ka imanayay dhanka Puntland, hadana xilkasnimada Dowlad goboleedka Puntland iyo kan maamulka cusub ee woqooyi bari Soomaaliya, waxay muujiyeen dadaal badan in kala aragti duwanaantu aysan isu badalin mid fogaata.
Madaxweyne Ku-xigeenka dowladda Puntland Mudane Ilyas Osman Lugatoor oo uu weheliyo Ugaas Maxamuud Ugaas Cabdullaahi Ciise ayaa maanta kulan isxogwareysi la qaatay Cuqaasha, Waxgaradka , Aqoonyahanka iyo qeybaha kala duwan ee Bulshada degmada Boocaame iyo 11 Tuulo oo hoos yimaada.
Kulanka oo ujeedkiisu ahaa kala war qaadasho Madaxweyne Ku-xigeenka iyo bulshada deegaanka, la shaqaynta Madaxweyne Ku-xigeenka iyo Dowladda Puntland, horumarinta adeegyada bulshada, Sare u qaadida Amniga iyo adkaynta Nabadgelyada. Madaxwayne Ku xigeenka ayaa balan qaaday wax ka qabashada baahiyaha deegaanka ee waxgaradku soo gudbiyey oo uu xilsaaray Wakiil gaar ah oo arrimahaas ka shaqeeya iyada oo mudnaanta la siinayo sida ay ukala muhiimsan yihiin, isaga oo la wadaagay bulshada deeganka Mashaariicda diyaar ka ah oo ay kamid yihiin. Bilaabida Xarumaha Caafimaadka ee Tuulooyinka Buurawadal iyo Hadhwanaag, Dhismaha Iskuulka Buurawadal, Taabagelinta Isbitaalka Degmada Boocame iyada oo loo diyaarshay qalab casri ah iyo Shaqaale Xirfadoodu sarayso.
Macaanaynta Biyaha Degmada Boocame oo hada diyaar ah, Horumarinta Beeraha, Bilaabida Ceelasha Biyaha ee Fardhidin iyo Karin gorfood. Puntland ayaa kamid ah dowlad goboleedyada ugu deegaanka balaadhan iyadoo uu dhowaantan qariirada Maamul goboleedyada ku soo biiray maamul cusub oo la magac baxay woqooyi Bari somalia isla markaasna daris la noqon doona maamulada Somaliland iyo Puntland, lana sheegay in caasimadiisa labaad noqon doonto magaalo xeebeeda laas qoray. Madaxwayne ku xigeenkan ayaan horay u ahayn mid warbaahinta ku badan, balse wakhtigan uu socdo dhismaha maamulka Cusub ee Horay loo odhan jiray Khaatumo hadana loo yaqaano woqooyi bari ayaa u muuqda in uu isha ku hayo maamulkan cusub ee dhismihiisu hada uun dhamays tirmay maalmaha soo socdana la filayo in doorasho cusub lagu qabto magaalada xarunta u ah maamulkan ee Laascaanood.
jigjiga news
info@jigjiganews.com
