Hogaamiyaha macawislayda Somalia ee ku caanbaxay dagaalkii uu la galay kooxaha guracan sanadihii u danbeeyay ayaa isagoo la hadlayay ciidan ku sugan magaalada Beledwayne wuxuu si adag uga hadlay in kooxdan la iska celin karo la iskana xorayni karo hadii si dhab ah loogu istaago, Isagoo sheegay in ay marar badan ku jabiyeen iska hor imaad dhex maray ciidamada Somalia alshabaab.
Cali jayte cismaan, hogaamiye ciidan oo mayal adag isla amrkaasna ku guulaystay inuu shacabkiisa ka dul qaado kooxaha guracan ee dhibaatada joogtada ah ku hayni jiray dadkiisa sanado badan, iyadoo wakhti xaadirkan beledwayne iyo meelo badan oo deegaankaas kamid ahi ay xor yihiin, kooxahan guracana gabi ahaanba meel la saaray.
Dhankabkale, waxaa jiray shir todobaadkan beesha xawaadle uga socday beledwayne oo isla arrimaha amniga, dhaqanka iyo dib u xoraynta deegaankan lagu gorfaynayay.
Dhowaan ayay ahayd markuu hogaamiye cali jayte booqasho gaaban ku tagay xarunta dowlada deegaanka Soomaalida, isagoo codsaday in dowlada deegaanka Soomaalida iyo shacabka xuduudaha deegaanka dagani ay iska kaashadaan la dagaalanka kooxdan iyo sugida amniga.
Madaxwaynaha Somalia ayaa dhanka kale booqasho ku tagay maamulka galmudug gaar ahaan magaalada dhuusomareeb, iyadoo la filayo in dagaalka kooxaha guracan ka dhanka ah la sii laba jibaari doono, isla markaasna goobo horleh laga xorayni doono kooxaha guracan.
Inkastoo dowlada Federalka Somalia ee la xidhiidha xoraynta dalku ay ahayd mid meel wanaagsan maraysay, hadana waxaa caqabad ku noqday arrimo badan, khilaafka u dhexeeya dowlad goboleedyada dalka qaar iyo dowlada federalka Somalia, khilaafkan oo meesha ka saaray iskaashigii dowlad goboleedyada iyo dowlada Federalka Somalia oo qayb wanaagsan ka qaadan lahaa dardar galinta arrinka dib u xoraynta.
jigjiganews
Info@jigjiganews.com
