Waxaa xalay magalaada Garowe lagu dilay wiil dhalin yaro ah oo ka soo jeeday doqlada deegaanka Soomaalida, wiilkan oo lagu magacaabo khadar. Xogaha ka soo baxaya dilkan ayaa sheegaya in dilkan ay gaysteen koox tuugo ah.
Xidhiidh ay badha jigjiganews la samaysay goobjoogeyaal ayaan ku helnay xog sheegaysa in dowpada Puntland ay wakhtigan ku raadjoogto gacan ku dhiiglihii falkan fuliyay, iyadoo laamaha amnigu ay baadhitaan ku hayaan sidii loo heli lahaa qofkii dhibkan gaystay.
Dowlad deegaanada Puntland iyo Dowlad deegaanka Soomaalida ayaa ah kuwo uu ka dhexeeyo xidhiidh ganacsi, mid bulsho iyo mid dhaqan intuba, iyadoo marar badan ay siyaabo kala duwan u kulmeen masuuliyiinta Puntland iyo kuwa dowlada deegaanka Soomaalidu.
Dhowaan ayay ahayd markii Gabadh ka soo jeeda Gobolka Godey ee dowlad deegaanka Soomaalida oo dhib tirsanaysa ay arrinkeeda xaliyeen maamulka Puntland oo ugu danbayn si wanaagsan u soo sagootiyay gabadhii cabanaysay.
Baraha bulshada iyo warbaahinta ayaa waxaa ka soo muuqanayay ehelka marxuum khadar oo cabasho u jeedinaya dowlada Puntland, iyagoo ka codsaday in arrinka dilka wiilka baadhitaan lagu sameeyo isla markaasna gacan ku dhiiglaha cadaalada la horkeeno.
Muuqaal kooban oo ay heshay wakaalada jigjiganews.com ayaa muujinaya marxuum khadar oo ay dad dhowr qof ahi dilayaan iyadoo muuqaalku uu yahay mid aan indhaha u roonayn.
Maxaa xal u ah cabashada shacabka dowlada deegaanka ka soo jeeda ee Puntland dhowr mar soo noq noqotay?
Dunida meelkasta dhibka iyo xadgudubku wuu ka dhacaa, balse waxaa munaasab ah in shacabku markasta ay helaan cadaalad hadii uu dhub soo gaadho, dhanka kale, maamulada dariska ahi waxay markasta iska kaashadaan amaanka wixii xuduudaha isaga gudbaya, waana in markasta laamaha amaanka ee Puntland iyo kuwa dowlada deegaanku iska kaashadaan wixii amniga dadka walaalaha ah khal khal galinaya si shaqsiyaad tuugo ah ama u shaqeeya kooxaha guracan uuna bulshada nabadgalyada jecel uga dhex abuurin qalalaase isla markaasna aysan cidna ugu fududaanin in ay dil u gaysato muwaadin nadiif ah oo shaqaysanaya.
Iyadoo laga yaabo inay shaqsiyaadka dilka gaystay yihiin dad aan Puntland deegaan ahaan u dhalanin, ayaa laga yaabaa in ay wadaan isku dhufashada shacabka walaalaha ah ee meelkasta ku wada nool, waana arrinka mudan in fiiro gaar ah oo loo yeesho, si qof sharwade ahi uuna uga faa’iidaysanin bulsho walaalo ah dhexdooda.
Jigjiganews.com
Info@jigjiganews
Cudur daar: muuqaalka waxaanu uga saarnay, wuxuu ahaa muuqaal aan u roonayn caafimaadka bulshada.
Bangiga horumarinta Africa oo Itoobiya ugu deeqay lacag 500 million ah…faah faahin
Bangiga horumarinta ee qaarada Africa ayaa maanta oo isniin itoobiya ugu deeqday lacag dhan 500 Malyan oo doolarka maraykanka ah. Lacagtan deeqda ah ayaa loogu talo galay in lagu dhiso garoonka diyaaradaha ee caalamiga ah ee dhowaan laga dhisayo magaalada Bishoftu ee ku taala caasimada dalka ee Addis Ababa meel aan aad uga fogayn.
Garoonkan cusub ayaa waxaa gacanta ku haya dhismihiisa shirkada diyaaradaha ee Ethiopian airlines oo doonaysa in halkaas ay ka hirgaliso garoon diyaaradeed oo u adeegi kara boqol iyo toban Malyan oo qof.
Mashruucan caalamiga ah ee magaalada Bishoftu laga dhisayo waxaa wehelin doona Tareen nooca dheereeya ah oo garoonka isku xidhi doona Caasimada iyo garoonka diyaaradaha ee Bishoftu.
