Madaxwaynaha dowlada Federalka Somalia mudane Xasan sheekh Maxamuud oo ka hadlayay fagaare ah ayaa jeediyay hadal u muuqday inuu ula jeeday mucaaradka, isagoo sheegay in Xasan sheekh maxamuud in wax laga sheegaa aysan waxba ka badalaynin Somalia, loona baahan yahay in Somalia sidii wax loo tari lahaa loo jeedsado ama qorshe Somalia ku wajahan ay la yimaadaan mucaaradku.
Madaxwaynaha waxaa hadaladiisii kamid ahaa, “Xasan sheekh in la xag xagto waxba looga qaadi maayo, waan isku kalsoonahay ee umada Soomaaliyeed wax qorshe ab ha lala yimaado, xisbiyana ha la samaysto, nimaan xisbi samaysani isuma diyaarin doorasho qof iyo cod ah”.
Hadalkan ayaa ku aadaya wakhti ay soo dhowaatay doorashadii dalka Somalia, iyadoo xukuumada talada haysaa si wayn ugu adkaysanayso in dalka laga qaban doono doorasho qof iyo had ah, arrinkaas oo ay ka dayriyeen ururada bulshada, beesha caalamka iyo mucaaradku, halka dowlad goboleedyada qaar ay dowlada Federalka ah sii xumaanayso xidhiidhka kala dhexeeyaa maalinba maalinta ka danbaysa.
Mucaaradka ayaa ka biyo diidsan qaabka dowladu u wajahayso dowlad goboleedyada iyo waliba hiigsiga qof iyo cod oo ay u arkaan in uu yahay wax aan wakhtigan laga hirgalin karin gudaha dalka Somalia.
Somalia ayaa ka soo kabanaysa dowlad la’aan mudo dheer ka jirtay kadib markii dowladii uu alle ha u naxariistee Maxamed Siyaad Bare hogaaniyay ay meesha ka baxday sanadkii 1991 kii.
Hoos ka dhagayso qudbada madaxwayne xasan sheekh maxamuud.
Jigjiganews.com
Info@jigjiganews.com
